September 20, 2020

ئیلول 20 2020

“سێ ژنم هێناوە، بیست منداڵم هەیە و ئەو بیست منداڵە ئێستا بونەتە سەد و دوو نەفەر. دەربەدەری زۆرم کێشاوە لە ئێران و عێراق، بۆیە ئێستا زۆر پەشیمانم و هەڵەبووم کە ئەو کاتە سێ ژنم هێنا. ئێستا لەجێی چەند کەسێک خەفەتی سەد و دوو نەفەر ئەخۆم. کاتێک گەنج بووم ئەوندە جوان بووم، نەمدەتوانی دەست بەخۆمدا بهێنم و بڕۆمە دەر و لەناو بازاڕ هاتوچۆ بکەم بەڵام ئێستا ئاوام لێ هاتووە. حەفتا وپێنج ساڵ تەمەنمە و ئەگەر ئێستاش تۆزێ جوانتربام ژنێکی دیکەشم دەهێنا بەڵام ئێستا خەفەتم ئەوەیە ناتوانم ژنێکی تر بهێنم. جاران هەر لە دوورەوە کە ئەهاتم سڵاویان لێ دەکردم و پێیان ئەوتم توخوا جوابمان بەرەوە بەڵام ئێستا سڵاویش ئەکەم کەس جوابم ناداتەوە.”