02/12/2025
ئەو دارانەی لە بەرهەمهێنانی خەڵوزدا بەکاردێن، لە دارە زیانلێکەوتووەکان و لقە زیادەکانەوە وەردەگیرێت، تاوەکو هیچ زیانێک بە سروشت و ژینگە نەگات. ئێمە بە هیچ جۆرێک پێشنیازی بڕینی درەختە سەوزە سوودبەخشەکان ناکەین و تا بتوانین ژینگە دەپارێزین.من عەلی ئەحمەدم، خەڵکی شاری کۆبانێم (لە باکووری ڕۆژهەڵاتی سوریا) لە پیشەسازیی خەڵوزی سروشتیدا کار دەکەم.بەرهەمهێنانی خەڵوز، پێویستی بە چەند قۆناغێکی وردی یەک لە دوای یەک هەیە. ئیدی هەر لە گرتنی لق و پۆی دار و درەخت و بڕینیەوە تاوەکو کۆکردنەوەی لە شێوەی هەرەم و پاشان گەیشتنی بە قۆناغی بەرهەمهێنان.سەرەتا، دارە کۆکراوەکان بە خۆڵ دادەپۆشین، پاشان لە ناوەوە سەیری ئەو کۆمەڵە دارە دەکەین کە هێواش هێواش دەسووتێن. دواتر پڕۆسەکە، بە وردی چاودێری دەکرێت بۆئەوەی دڵنیا ببینەوە لەوەی ڕەنگی دارەکە بۆ ڕەنگی ڕەشی ناسراو خۆی دەگۆڕێت و دەبێتە پارچەی بچووک، بەجۆرێک دوای ئەم قۆناغە کە یەک هەفتە دەخایەنێت، لە کۆتاییدا، خەڵوزەکە ئامادە دەبێت بۆ بەکارهێنان.لە ساڵانی ڕابردوودا، لەگەڵ براکانمدا، دروستکردنی خەڵوز لە یەکێک لە خزمەکانمانەوە فێربووین و ئێستا بووەتە تاکە سەرچاوەی داهاتمان و لە ڕێگەیەوە ڕسقی ڕۆژانەمان دابین دەکەین، ئەوەش دوای ئەوەی خەڵوزەکە لە بازاڕەکاندا بەنرخێکی جیاواز بەپێی کوالێتی دەفرۆشرێت و بۆ هەر کیلۆیەک نرخەکەی بە نزیکەیی دەگاتە ١٠ لیرەی سوری. ...
