خەڵکی باشوور – Humans of Kurdistan

مارس 17 2023

May 17, 2023

"کە کەسێک پرسم پێدەکات بەوەی دوکانێک دابنێ، ڕێنمایی دەکەم ئەو ئیشانە بکات کە وەرزیی نەبن. نامەوێ کەس هەمان هەڵەی من دووبارە بکاتەوە کە لەساڵێکدا بە هەمووی چەند مانگێک ئیشەکەمان هەیە. ئەوانەی ئیشی پانکە و موبەریدە دەکەن تەنیا لە هاوین ئیشیان هەیە، ئەوانەشی ئیشی سۆبە و هیتەر دەکەن تەنیا لە زستان کەسابەتەکەیان هەیە. هەر بۆیە ناچار شێوازی ئیشکردنم گۆڕی و ئیشی مزەخەم دەستپێکرد. بیرمکردەوە هەرچۆنێک بێت لە هەر چوار وەرز پێداویستی خەڵکە. دەنا بەڕاستی منیش سەرەتا بێزار ببووم لەوەی پێنچ مانگ لە ساڵێکدا ئیش بکەم و حەوت مانگەکەی تریش هەر بێمە دوکان و دانیشم. ڕۆژگاری ئێستا زەحمەتە، بەو تۆزە ئیشە ژیان بەڕێوە ناچێت". ...

زیاتر بخوێنەرەوە

مارس 11 2023

May 11, 2023

by Sartip Vim

0 Comments

لە: خەڵکی باشوور

" ‌لە منداڵییەوە تەواوی ژیانم لەنێو سروشتدا بەسەربردووە و کشتوکاڵ پیشەی سەرەکی ئێمەیە. لە وەرزی و هاوین و بەهار، بەرهەمە سروشتییەکان لەو بەرزایی و شاخانە دێنم و لە شەقامی سەرەکی دەیانفرۆشم. خواستی شۆفێرەکان زیاتر لەسەر ڕێواس و هەڵوژەیە. بۆیە منیش تا پێمبکرێ بەرهەمی جوان دێنم. ڕێواس وەکو ڕووەکەکانی تر نییە، لێکردنەوە و دەستهێنانی دژوارە. چەندینجار لەو بەرزاییانە بەربوومەتەوە و ئازارم زۆر دیوە، لەگەڵ ئەوەشدا لەبەر بژێوی ژیان هەمدیسان چوومەتەوە سەر شاخ." ...

زیاتر بخوێنەرەوە

نیسان 26 2023

April 26, 2023

by Sartip Vim

0 Comments

لە: خەڵکی باشوور

"لە سەرەتای ساڵانی ٢٠٠٠ لەگەڵ براکەم دوکانێکمان لەسەر رێگای هەولێر-بەردەڕەش دانا، لەبەرئەوەی رێگایەکی بازرگانی بوو لە نیوان هەرێمی کوردستان، تورکیا و ئێران، خەڵکی زۆر وڵاتی جیاواز لەوێوە تێدەپەڕین و منیش پارەی وڵاتە جیاوازەکانم کۆدەکردەوە و بە جامخانەکەوە هەڵمدەواسی. ئیتر ئەوە بووە خولیای من و هەر رێبوارێکیش لەو رێگەیەوە بڕۆشتایە، پارەی وڵاتەکەی وەکو یادگاری پێشکەشدەکردم. ئێستا پارەی زۆر وڵاتم هەیە و هەندێکیان چەند قۆناغێکیان کردووە و ئێستا نەماون. کۆنترین دراو کە لامە ئەگەڕێتەوە بۆ جەنگی جیهانیی یەکەم. زۆرجار خەڵک هاتووە داوایکردووە دراوەکانی بە نرخێکی زۆر پێبفرۆشم بەڵام رەتمکردووەتەوە چونکە ئەوە یادگارییە و دەیپارێزم. شتێک کە زۆر سەرنجڕاکێشە بۆم ئەوەیە ئێستا دراوی هەموو وڵاتانی جیهان دەناسمەوە و دراوی هەندێک وڵاتیش کاغەزەکەی زۆر باشە، رەنگی ناگۆڕێت یاخود بە ئەستەم دەدڕێت." ...

زیاتر بخوێنەرەوە

نیسان 18 2023

April 18, 2023

by Sartip Vim

0 Comments

لە: خەڵکی باشوور

"کەرکووک بۆ من، یانی چێژی هەموو شارەکان. ئەو کاتانەی سەرباز بووم لە شارەکانی باشووری عێراق، ڕۆژەکانم دەژمارد تا دەوامم تەواو ببن و بێمەوە شارەکەم. مۆڵەتی هاوڕێیەکانم بۆ نەخۆشی و پرسە و بابەتی خێزانی بوو، کەچی هیی من تەنیا بۆ ئەوە بوو زوو بگەمەوە کەرکووک. بیرمە گاڵتەیان پێ دەکردم و دەیانگوت: کەرکووکت لە ئێمە کردووە بە پاریس. بوونی نەتەوە جیاوازەکان لەم شاره، وای کردووە ئێمەی کەرکووکی هەستی پێکەوەژیانمان لە شارەکانی تر گەرموگوڕتر بێ. ڕەفیقی تورکمان و عەرەبم هەیە هی سەردەمی منداڵیم، ئێستاش وەک هاوڕێ کوردەکانم، متمانە و خۆشەویستی هەیە لە نێوانمان." ...

زیاتر بخوێنەرەوە

نیسان 06 2023

April 6, 2023

by Sartip Vim

0 Comments

لە: خەڵکی باشوور

"منداڵ بووم کە باپیرم لەم خانووەدا مرد. ساڵێکی بەسەر چوو، دوو مامم بەیەکەوە بە ڕووداوی هاتوچۆ گیانیان لەدەستدا و هەر لەناو پرسەکەی ئەوان باوکم بە جەڵدەی دەماغ کۆچی دواییکرد. ١٢ دۆنم گەنممان لەپڕێکدا سووتا و بە چاوترووکانێک ڕەنجی ساڵێکمان هەمووی ڕۆیشت. لە ڕۆژێکی گەرمای هاوین بە هۆی شۆرتی کارەباوە تەواوی ماڵەکەمان سوتا و خوشکێکی بچوکیشم سوتا و مرد. ئێستا داپیرەم ناهێڵێت خانووەکە نۆژەن بکەینەوە چونکە شوومە. دەڵێ لەسەرەتاوە گوتم ئەم خانووە سەری هەموومان دەخوات. بەڵام کەس گوێی بۆ نەگرتم تا ئاوامان بەسەرهات. بۆیە بە هیچ جۆرێک نایەڵم ڕوو لەم خانووە بکەینەوە. داپیرەم بێخەبەرە لەوەی ئەگەر بۆ ئەوان شووم بێت، بۆ من دونیایەک یادگارییە. هەموو منداڵیم لێرە بەسەر برد، لەبەر ئەوە قەت لەبەر چاوم ناکەوێ. ئێستاش جارجارە بەدزییەوە دێم و بۆ ماوەیەک لەناویدا دەمێنمەوە". ...

زیاتر بخوێنەرەوە

ئازار 06 2023

March 6, 2023

by Sartip Vim

0 Comments

لە: خەڵکی باشوور

"بۆ نیو سەدە دەچێ پەڕەچیم لە خانەقین، چەندجارێک ویستوومە وازبهێنم، بەڵام خۆشەویستی موشتەرییەکانم وایان کردووە بەردەوامبم. خێزانی وا هەیە هەموو ساڵێک دۆشەک، لێف و سەرین لای من دەکڕێ یان نوێی دەکاتەوە. ئەوان ڕاهاتوون لەگەڵ ئەو شتە سروشتییانە، بەڵام بەداخەوە وردە وردە خەڵک مەیلی لە هیچ شتێکی خۆماڵی نەماوە، کەلوپەلی بیانی زۆر هاوردە دەکرێ و خەڵکیش تا ئەوانە هەبن ئامادە نین چەندین ڕۆژ چاوەڕێی شتی دەستکرد بکەن. کاری ئێمە ماندووبوونی جەستە و مێشکی تێدایە، هەموو کات مێشکت ماندووە چونکە دەبێ ئاگات لە دانە بە دانەی ئەو تەقەڵانە بێت کە لێیان دەدەی. چاویش لەولاوە بوەستێ کە تەرکیزی وردی دەرزی و سوژن وێرانی دەکات. هەستم بەوە کردووە چاوەکانم تەواو هێزیان لێ بڕاوە، بەڵام ئیتر ئەوە ژیانە و پڕە لە مەشەقەت، هەتا ئێرەم هێناوە تازەش ئیتر دەبێ لەگەڵی بڕۆم." ...

زیاتر بخوێنەرەوە

شوبات 05 2023

February 5, 2023

by Sartip Vim

0 Comments

لە: خەڵکی باشوور

"کوتینی خاڵ لەناو کوردەواریدا مێژووێکی درێژی هەیە. شکور ئەو دیاردەیە ئێستا تۆزێ کاڵ بۆتەوە و تەنانەت لە هەندێ شوێن هەر نەماوە. ئێستا خەڵک بە شێوازی (تاتۆ) دەیکەن کەبەڕاستی ئازاری کەمترە هەم جوانتریش دەکرێت وەک لە پێشوودا. ئێستا هەمووی بەئامێر دەکرێ نەک بە دەست وەک لە کۆندا دەکرا. من لەسەرەتای حەفتاکان ئەو خاڵانەیان بۆ کوتیم، بۆ خانمێکی وەک من بۆ ئەو کات زۆر جوان بوو، بگرە بۆ بەرامبەریشم زۆر سەرنجڕاکێش بوو. ئیتر ئەو کاتە بیرکردنەوەم وەک ئێستا نەبوو، دەنا بەڕاستی زۆر لێی پەشیمانم، لەترسی ئازارە زۆرەکەشی ناوێرم لایدەم، جگە لەوە ئاسەواری زۆر ناشیرین جێدێڵێ، بۆیە تێیدا ماوم لەوەی نازانم چی لێ بکەم." ...

زیاتر بخوێنەرەوە

کانونی دووهەم 11 2023

January 11, 2023

by Sartip Vim

0 Comments

لە: خەڵکی باشوور

"بیرم نایەت ئیرەییم بە هیچ کەس بردبێت بەڵام ئێستا کە چوومەتە تەمەن و لە قاچ کەوتووم، فێرە ئیرەیی بوومە. کە سەیر دەکەم کەسانێک لەسەر قاچەکانیان وەستاون و نوێژ بۆ خودا دەکەن، ئیرەییان پێ دەبەم. زۆرجار شەرم دەکەم کە دانیشتووم و نوێژ دەکەم. من بەرانبەر زاتێک وەستاوم کە دەسەڵات و هێزی گەورە هەر لای خۆیەتی. هەر خۆشی ئەوەڵ و کۆتا خاوەنییەتی. لەزەتی ئیمان تەنیا ئەوانە هەستی پێدەکەن کە ڕاستگۆن لەگەڵ خۆشەویستییەکەیان بۆ خودا. زۆر ڕێگا هەن بۆ نزیکبوونەوە لەگەڵ خودا، بەڵام بۆ من نوێژ بەچێژترینیانە". ...

زیاتر بخوێنەرەوە

کانونی یەکەم 18 2022

December 18, 2022

by Sartip Vim

0 Comments

لە: خەڵکی باشوور

"لە هەشتاکاندا بەهۆی ئەوەی قوتابخانەی گوندەکەمان داخرا و نەماندەتوانی رۆژانە چەند کاتژمێرێک بە پێ بڕۆینە قوتابخانەکانی شار، لە پێنجی سەرەتایی وازم لە خوێندن هێنا. ئیتر دەستمکرد بە یارمەتیدانی باوکم و لە چیا سماق و سێومان لێدەکردەوە و بژێوی ژیانمان لەسەر ئەو بەروبوومانە بوو.کە گەورەتر بووم دەستمکرد بە کرێکاری، سەرەتای ساڵی ٢٠٠٠ بووم بە نەقار و خانوومان دروست دەکرد. لەوکاتەوە ژیانم لەگەڵ چەکوش و بەرد تێکەڵبووە. ئێستا هەر سەیری بەردەکە بکەم دەزانم بە کەڵکی خانوو دێت یان نا. ئیشەکەم قورسە و رۆژانە هەشت کاتژمێر کار دەکەم، شەوان لەبەر ئازاری دەست و شانەکانم دەناڵێنم، بەڵام هێشتا دڵخۆشم چونکە نانی حەڵاڵ بە منداڵەکانم دەدەم." ...

زیاتر بخوێنەرەوە

کانونی یەکەم 15 2022

December 6, 2022

by Sartip Vim

0 Comments

لە: خەڵکی باشوور

"هەرچەندە قەڵەویی من بۆ ماوەیییە، بەڵام ناکرێ ئەوە بکەمە بیانوو و جەستەم پشتگوێ بخەم. بەهۆی سەختی گوزەرانەوە زۆربەی کاتەکانم لە چێشتخانەکەم کار دەکەم، بۆیە حەزمدەکرد دەرفەتێک هەبووایە و بمتوانیبایە ڕۆژانە چەند کاتژمێرێک وەرزش بکەم. ئێستا لەبری وەرزش، سیستەمێکی خواردنم بۆخۆم دروست کردووە و ڕێجیمێکی باش دەکەم. زۆرجار برادەران دەڵێن تۆ چۆن دەتوانی خواردنی چەور و کاربۆهیدرات لەخۆت حەرام بکەی لەکاتێکدا تۆ کەبابچیت و ڕۆژانە ئەو خواردنە خۆشانە دەڕازێنیەوە و لەپێش خەڵکی دادەنێی. بەڵام دەبێ ئەوە بزانین ژیان تەنیا خواردن نییە. تەندروستی و جەستەڕێکیش زەرورەتن. تۆ کە نەتتوانی جلێک بەدڵی خۆت لەبەر بکەی، یان دەیەها دەردت بۆ پەیدا بوو، خواردنی خۆش چ بەهایەکی هەیە؟ ڕاستە من خواردنم زیاتر میوە و سەوزەیە، بەڵام لەوەدا خۆشحاڵم کە تەندروستم و ئاگاداری جەستەی خۆمم". ...

زیاتر بخوێنەرەوە

تشرینی دووهەم 27 2022

November 27, 2022

by Sartip Vim

0 Comments

لە: خەڵکی باشوور

"رۆژگارێک کەس نەیدەوێرا لەم شارە گرەوم لەگەڵ بکات لە بەرزکردنەوەی قورساییدا، ئێستاش گریانم بۆ حاڵی خۆم دێت کە ئاوا بێهێز خۆم دەبینم. ئەگەر ئێستا بۆ خەڵکی باس بکەم فەردە ئاردێکم بە یەک دەست بەرزکردۆتەوە ڕەنگە جێی باوەڕ نەبێ، بەڵام دەتوانن لە هەموو ئەوانە بپرسن کە حەماڵی کۆنن لەو بازاڕە یان هاوتەمەنەکانی خۆم، چونکە زۆرینەیان لە دیار گرەوکردنەکانم دانیشتوون. فەردە ئاردێکی ٥٠ کیلۆییم بەیەک دەست بەرزدەکردەوە و هەرئەوەش وایکرد ژمارە ٥٠ لەسەر قۆڵم بکوتم. ئێستاش هێزی هەڵگرتنی سۆبا و غازێکم نییە، بەڵام شوکرانەی خودا دەکەم کە لەشساغم و نەخۆش نیم. پیرییە و شەرم لەکەس ناکات ئیتر". ...

زیاتر بخوێنەرەوە

تشرینی دووهەم 16 2022

November 16, 2022

by Sartip Vim

0 Comments

لە: خەڵکی باشوور

"لە ساڵی شەستەکانەوە دووکانی بەرگدووریم داناوە و بە کۆنترین بەرگدووری ئاکرێ دادەنرێم کە تاوەکو ئێستاش لە پیشەکەم بەردەوامم. ئەم پیشەیەم لە باو و باپیرانمەوە بۆ ماوەتەوە و ئەوانیش لە جولەکەکانەوە فێری ئەم کارە بوون. منیش نەوەکانی خۆم فێرکردووە و ئێستا دوکانی خۆیان هەیە. جگەلەوەی زیاتر لە 70 ژنم فێری ئەم پیشەیە کردووە و ئێستا بژێوی ژیانیان لەسەر ئەو پیشەیەیە. لەکاتی کۆنەکانی نەورۆز و جەژندا خەڵک لە هەموو شارەکانەوە بۆ جلی کوردی سەردانم دەکەن. بیرمدێت پێشتر زۆرینەی هونەرمەندە کۆنەکانی وەک تەحسین تەها و ئەردەوان زاخۆیی و فوئاد ئەحمەد لای من جلیان دەدووری، ئەمەش هەستێکی خۆشە بۆ من چونکە پیشەکەم بە باشی کردووە و تا ئێرەم هێناوە". ...

زیاتر بخوێنەرەوە

Older Posts