Redwan Adalat - Humans of Kurdistan

تەموز 11 2020

July 11, 2020

“شەوێکی دووشەممە بوو، دۆستێکی خێزانەکەمان کە کاری دانانی موزیکی دەکرد لە ماڵمان بوو، لەگەڵ دایکم بڕیاریاندا بمبەنە ستۆدیۆ و گۆرانییەکی ئینگلیزی تۆماربکەم. من ئەوکاتە لە پۆلی دووهەمی سەرەتایی بووم و تا ئەو کاتە ناو ستۆدیۆم نەبینیبوو، دوای ئەوەی کە گۆرانییەکەم وت و کاری تۆمارکردن کۆتاییهات، پێش ئەوەی لەگەڵ موزیکدا تێکەل بکرێ و وردەکاریەکانی کۆتاییبێت، دەنگە تۆمارکراوەکەی خۆمم بیست، زۆر لەلام ناحەز بوو، ڕاستی لام سەیر بوو خێزانەکەم چۆن دەنگی منیان پێخۆشە!؟ بەڵام کە کارەکانی دیکەی بۆکرا و لە گەڵ موزیک دووبارە بیستمەوە، ئەمجارە گوتم ئا...

زیاتر بخوێنەرەوە

تەموز 10 2020

July 10, 2020

by Redwan Adalat

0 Comments

لە: خەڵکی باشوور

"جیلی ئێمە سەردەمێکی خۆشی بەڕێنەکرد، بەردەوام ڕاکردن، خۆشاردنەوەو ترس. هەموو رۆژێک ئەگەری زیندانیکردن و لەسێدارەدانمان هەبوو، لەگەڵ چەند هاوڕێیەکمدا لەناو شاردا کاری تەنزیمیمان دەکرد، بەڵام ئێستا زۆربەیان لە ژیاندا نەماون وهەندێکیان شەهید بوون، من ئەو سەردەمە سەر بە حیزبی پاسۆک بووم، گرنگ نەبوو سەر بە چ لایەنێکیت، گرنگ ئەوە بوو لە پێناو کورددا چالاکیت هەبێت دژ بە حکومەتی بەعسی ئەو کاتە. لە دوای ماوەیەکی زۆر وازم لە چالاکی حیزبی هێنا و خۆم سەرقاڵکرد بە ژیانی تایبەتی خۆمەوە، هەرچەندە لە ئێستادا زۆر شت هەیە کە چیتر گرنگ نییە بۆم، تاکە شت کە خەیاڵم لای بێت تەواو کردنی خوێندنی منداڵەکانمە بە سەرکەوتویی و ببینم داهاتوویەکی باشیان هەیە." ...

زیاتر بخوێنەرەوە

تەموز 09 2020

July 9, 2020

by Redwan Adalat

0 Comments

لە: خەڵکی ڕۆژئاوا

"وا بۆ نزیکەی ٥ ساڵ دەچێت لەگەڵ هەرپێنج منداڵەکەم لێرە دەژیم. هاوسەرەکەم ئالودەی ماددەی هۆشبەر بوو، هەرکاتێک ئەو ماددە هۆشبەرانەی لێبببڕایە لە منی دەدا. یەکێک لە کوڕەکانم لە کاتی کارکردنی لە یەکێک لە خواردنگە شەعبییەکانی قامیشلۆدا پەنجەیەکی لە دەستدا. ئێستا بۆ پەیداکردنی بژێوی خۆم و منداڵەکانم لە بنکەی مانگی سوری کوردی سەرپەرشتیارم و هەندێک جاریش کاری پاککردنەوەی ماڵان دەکەم بەرامبەر بە پارەیەکی کەم. کاتێک جەنگ لە سوریا دەستیپێکرد، هاوکات بوو لەگەڵ ئەوکاتەی هاوسەرەکەم من و منداڵەکانی جێهێشت. هەربۆیە رووبەڕووی خێزانەکەم بوومەوە، بڕیارمدا پارێزگاری لە منداڵەکانم بکەم و هەرچۆنێک بێت بەردەوامی بە ژیان بدەین." ...

زیاتر بخوێنەرەوە

تەموز 07 2020

July 7, 2020

by Redwan Adalat

0 Comments

لە: خەڵکی ڕۆژهەڵات

"کاتێک لەگەڵ ماڵەوە لە باکووری ئێران دەژیاین، ژێر هەورەبانەکە لێوان لێو بوو لە کتێبەکانی دایکم و بابم. بابم هۆگری ئەدەبی کوردی و چالاکی پەرە پێدانی ئەو زمانە بوو، دایکیشم سەرەڕای پەروەدەکردنی سێ منداڵەکەی خۆینەرێکی باش بوو. کاتێ دایکم بەمن دووگیان دەبێ، ڕۆمانی (کلیدر)ی مەحموودی دەوڵەت ئابادی دەخۆێنێتەوە، بۆیە لە ژێر کاریگەری یەکێ لە کارەکتەرەکانی ئەو ڕۆمانە پێیخۆشدەبێت ناوم بنێت (ماڕاڵ)، بەڵام بابم پێشنیاری ناوی (ژینا) دەکات و ئەو ناوەم لە سەر دەنێن. کاتێ بەماڵەوە گەڕاینەوە بۆ پارێزگای کوردستان، وەک چالاکوانێکی مەدەنی و رۆژنامەوانی دەرکەوتم، دوایش کتێب فرۆشی ژیرام بنیاد کرد و پێم وا بوو پیشەیەکی دڵخواز و لەبارە بۆمن. ئەگەر پێتوابێت کە لە خراپترین قۆناغێکی مێژوودا دەژیت، ئەوا بە چاو خشاندنێک بەسەر دێڕەکانی ئەم کتێبانەدا دەزانی زۆر کاتی مێژوویی هەبووە کە گەلێک خراپتر و دژوارتر بووە لە ئێستا. کتێب پێت دەخاتە سەر عەرزی واقع و هاوسەنگیەک بە بیرکردنەوەت دەدات، هەروەها کتێب فرۆشی جەوێکی ئازاد و هەمەڕەنگە، بێ لەبەرچاوگرتنی ڕەگەز و نیشتمان ڕای جیاواز لای یەکتر کۆتدەکاتەوە و تۆ سەربەستیت لە هەڵبژاردن." ...

زیاتر بخوێنەرەوە

حوزەیران 30 2020

June 30, 2020

by Redwan Adalat

0 Comments

لە: خەڵکی باشوور

"لە دوای تەواوکردنی کۆلێژی هونەر، یەکەم کارم دەست پێکرد، بە تەنگەژەی زۆردا تێپەڕیم، زۆربەی ئەوانەی لە دەوروبەرم بوون پێیان وا بوو توانام نییە و کۆڵ دەدەم، بەڵام من نەوەستام و بەردەوام بووم، چونکە ئامانجم ڕوون بوو. ئێستا خاوەنی پڕۆژەی سەربەخۆی خۆمم بە ناوی پڕۆژەی 'وێنە جووڵاوەکانی میسۆپۆتامیا'، پڕۆژەیەکی درێژخایەنە و بەشی یەکەمی بۆ ماوەی دوو ساڵ بەردەوام دەبێت کە تێیدا کار لەسەر کلتووری کوردی، بە تایبەت شێوازی تەلارسازی و جلوبەرگ و خشڵ و خواردن و سەما و گۆرانی و چیرۆکی نەنووسراوە دەکەین. کارکردنمان لە چوارچێوەی جوگرافیای ئەو ناوچەیە دەبێت کە پێی دەوترێت کوردستانی گەورە و هەر لە کۆنەوە چەندین نەتەوە و ئایین و زمانی جیاواز تێیدا ژیاوە، بۆیە گرنگە کۆکراوەیەکی کەلتووریمان هەبێت بۆ ڕێگریکردن لە لەناوچوون و زانیاری بە ئاسانی بەردەست بێت بۆ هەموو ئەو دامودەزگا و کەسانەی پێویستیان پێیەتی." ...

زیاتر بخوێنەرەوە

حوزەیران 29 2020

June 29, 2020

by Redwan Adalat

0 Comments

لە: خەڵکی ڕۆژهەڵات

"2 ساڵ پێش ئێستا دەستم بە ژەنینی ئامێری گیتار کرد، لە سەرەتاوە گیتاری کلاسیکم دەژەنی، نازانم چاکم کردووە یان خراپ، بەڵام ڕووم کردە گیتاری ئەلیکتریک و شێوازی 'مێتاڵم' هەڵبژارد. تووڕەیی ودوودڵیەک لە مندا هەیە، هاوکات ژەنین بە شێوازی مێتاڵ گرژییەکی تێدایە، وا هەست دەکەم بە ژەنینی ئەو شێوازە لە گیتار، بەشێک لەم تووڕەییەم ساڕێژ دەبێ و هێور دەبمەوە. خولیام ئەوەیە لە داهاتوودا لە گەل هاوڕێکانمدا گرووپێک دروست بکەم کە ناوبانگی بگاتە هەموو لایەک." ...

زیاتر بخوێنەرەوە

حوزەیران 28 2020

June 28, 2020

by Redwan Adalat

0 Comments

لە: خەڵکی ڕۆژهەڵات

"باسی 30 ساڵ پێش ئێستا دەکەم، لە ستۆدیۆ کامێرایەکمان هەبوو بە ناوی 'Canon AV-1'. ئەم کامێرایە تەنیا یەک سورعەی شەتری هەبوو ئەویش 60 بوو. بەو وەزعەشەوە تەنانەت لایت میەتەرەکەشی ئیشی نەدەکرد، بەڵام وا پێی ڕاهاتبووم زۆربەی وێنەکانم باش دەردەچوون. لە سەرەتادا، یەکەم جار وێنەی شایی ژن و پیاوێکم گرت، پاش بیست ساڵ کوڕی ئەم ژن و پیاوە ژنی هێنا و وێنەی شایی ئەویشم گرت و منداڵی ئەمانیش کە ڕۆیشتە خوێندنگە هێنایان و وێنەی ئەویشم گرت. وەک وێنەگرێک زۆر بابەتی باشم لە دەست داوە و وێنەم نەگرتووە، بابەتی باش وەک کچێکی جوان وایە کە حەزت لێ بێ و داوای نەکەی. ئەمڕۆ و سبەی ئەبێت بە دەزگیرانی کەسێکی تر و چیتر دەستی تۆی پێ ناگا. ئەگەر بابەتێکت پێ باش بوو ئەبێ دەستاودەست نەکەیت و وێنەی بگری، ئەگەریش زۆر سەرکەوتوو نەبووی، لانی کەم ئەوەیە ئەزموونێکت کردووە." ...

زیاتر بخوێنەرەوە

حوزەیران 27 2020

June 27, 2020

by Redwan Adalat

0 Comments

لە: خەڵکی باشوور

"لە سەردەمی لاوێتیمدا بیرمە ڕۆژانە لە کەرکوک لە خەڵک دەدرا و سوکایەتی پێ دەکرا، هەر چەندە من کاری سیاسیم نەکردووە، بەڵام منیش بەبێ لێدان دەرنەچووم: جارێک لە ساڵانی جەنگی نێوان ئێران و عێراق لەگەڵ هاوڕێیەکدا خۆمان لەسەر شۆفێری ڕادەهێنا، ئۆتۆمبیلێک بە خێرایی بەلاماندا تێپەڕی و منیش بە دەست ئیشارەتم بۆ کرد، زیاتر وەک جوێن دەردەکەوت، گەڕایەوە و لەبەر دەمماندا وەستا و دابەزین بە شەق تێمانکەوتن، دواتر ئیمەیان برد بۆ 'ئیستخبارات'، لەوێ زمانمان ئێمەی کڕیەوە، وتم: 'ئێمە دەچین خوێن دەدەین، برایەکی ئەم کوڕە لە پێشی جەبهە بریندار بووە'، ئیتر باش بوو بەو قسەیە لێی دەرچووین. ئەو کاتانەی کە دەنگۆی ڕاپەڕین هەبوو لە کەرکوک نەیاندەهێشت کەس بێتە دەرەوە و زۆر جاریش بەبێ هیچ شتێک لە ماڵاندا خەڵکیان دەگرت، بە تایبەت کوردەکان. لە ساڵی 1991 کاتێک ئاوارەکانی کەرکوک هاتنە پێنجوێن، منیش یەکێک بووم لەوان و مامەوە، نزیکەی 30 ساڵە بەردەوام لە پێنجوێنم و تەمەنێکم لەم دوکانەدا بەسەر بردووە." ...

زیاتر بخوێنەرەوە

حوزەیران 26 2020

June 26, 2020

by Redwan Adalat

0 Comments

لە: خەڵکی ڕۆژهەڵات

"برووسکەی خەیاڵی من تەنیا وشەیەک دەیدرەوشێنێتەوە! گا بۆنی سوێری ئاو ئەمخاتە بەلەمێکەوە کە هەست دەکەم لەژێر پێمدا شانەوشان دەکات. لە ئەقیانووسێکی بێ سەروبندا بە شێوازێکی سحراوی ڕەهام، پارێزراو لە سندوقێکی داریندا. ژیانی من ئاوا دەستی پێ کرد، کچێکی هێور بە مێشکێکی پڕ لە ئاوات، ئاواتێکی زۆر گەورە. تا گەورەتر بووم خوولیاکانم دوورتر کەوتنەوە. لە زانکۆی هونەرە جوانەکان لە بەشی وێنەکێشی دەوامم کرد بەڵکو مێکشی نائارامم ئوقرە بگرێت. وێنەم دەکێشا، بەڵام جەبری ژیان ئەوەشی لێ کردم و لێی دوور کەوتمەوە، دوورتر و دوورتر...

زیاتر بخوێنەرەوە

حوزەیران 25 2020

June 25, 2020

by Redwan Adalat

0 Comments

لە: خەڵکی باشوور

"هەر لە تەمەنێکی منداڵییەوە لە خوێندن دابڕام، بە هۆی زروف و تەمەنەوە نەمتوانی بەردەوام بم. کاتێک بە لای خوێندنگەیەکدا تێپەر دەبم، بیری ژیانە ناخۆشەکەی منداڵیم دەکەم و هەست دەکەم شتێکم تیا بەجێ هێشتووە کە هەرگیز ناتوانم بە دەستی بهێنمەوە. لە ژیاندا هەندێک جار تووشی جۆرە دەردێک دەبیت هەرچی تروسکایی خۆشی هەیە لە دڵتدا نامێنێت، گەر دەستکەوتیشت زۆر بێت هێشتا دڵت پێیان خۆش نییە. هەندێک جار هەست دەکەم لە ناوەوە کەسێکی زۆر لەسەرخۆ و ئارامم، بەڵام بە ڕووکەش وا نیم، زۆر توڕەم...

زیاتر بخوێنەرەوە

حوزەیران 24 2020

June 24, 2020

by Redwan Adalat

0 Comments

لە: خەڵکی باشوور

"لە ساڵی 1991 لەگەڵ خێزانەکەمدا گەڕاوینەتەوە پێنجوێن، بەشێک لە خەڵکی باشووری کوردستان ساڵانی نەوەدەکان بۆ بژێوی ژیانیان ڕوویان دەکردە ڕۆژهەڵاتی کوردستان و ئێران، منیش وەک ئەو خەڵکە لە تەمەنێکی منداڵیدا ڕووم کردە وڵاتی ئێران، لە کورەی خشتبڕین، فەڕشچنین، کشتوکاڵ و ئاژەڵداری کارم کردووە. یەکێک لەو کارانەی حەزم لێ کردووە ئاژەڵداری بووە، چونکە تۆ خزمەتی بێ زمانێک دەکەیت و ئەویش لە بەرامبەردا خزمەتی تۆ دەکات. لەوەتەی من هەم بەردەوام کارم کردووە، ئێستا بوومەتە وەستای گەچکاری. منیش وەک کرێکار و وەستاکانی تر، ئەگەر ڕۆژێک کار نەکەم لە لایەنی داراییەوە پێمەوە دیارە، ئەگەر چاوم لەسەر لایەنی داراییەکەشی نەبێت، من هەر بە کارکردن ئاسوودە دەبم و حەزم لە کارکردنە." ...

زیاتر بخوێنەرەوە

حوزەیران 23 2020

June 23, 2020

by Redwan Adalat

0 Comments

لە: خەڵکی ڕۆژهەڵات

"جاری وا هەیە کەسێک دێ بۆ لام و پاش ئەوەی ئەزانێ نووسەرم، داوای لێبووردنم لێ دەکات و ئەڵێ، 'ببوورە، نەدەبوایە تۆ پێڵاوی من بۆیاخ بکەی.' پێی ئەڵێم ئەمە کاری منە و جیاوازییەک نابینم لە نێوان خۆم و ئەو کەسەی‌ تردا کە دەبوایە پێڵاوەکانتی بۆیاخ بکردایە. یا کەسی وا هەیە لە تۆڕەکۆمەڵایەتییەکاندا هاوڕێمە و وەک نووسەرێک منی ناسیووە، کە بە ڕێکەوت ڕێی ئەکەوێتە لای من و پێڵاوێک بۆ پینەکردن دێنێ، ئەڵێ: 'ئەوە تۆی خاڵۆ ڕەئووف؟ حەیفە تۆ ئەم کارە ئەکەی!' ناڵێم شانازی بە پینەچیبوونمەوە ئەکەم، بەڵام بۆ حەیفە ئەم کارە بکەم؟ ئەی چیم بکردایە؟ ئاڵتوونفرۆشێک بوایەم چاک بوو؟ [بە پێکەنینەوە] دیارە باشتر بوو ئەگەر وەک نووسەرێک باشتر بژیبام، بەڵام پینەچیەتی و نووسەری دوو ڕەهەندی جیاوازی ژیانی منن. هەوڵم داوە خوێنەرێکی باش بم و تەنزنووسێکی سەرکەوتوویش بم. لە زۆربەی هەفتەنامەکانی ڕۆژهەڵاتی کوردستاندا تەنزم بڵاو کردووەتەوە. ئێستا یەکەمین کتێبی تەنزیشم کە ناوی «تەنزیلە»یە، بڵاو کراوەتەوە و من هەر پینەچیم. ئەمە منم و ئەمە ژیانی منە. بەردەوام ئەڵێم: 'چەندەها تەنز هەیە که دەکرا بینووسم...

زیاتر بخوێنەرەوە

Newer Posts Older Posts