خەڵکی ڕۆژهەڵات - Humans of Kurdistan

کانوونی دووەم 17 2021

January 17, 2021

"چەن کەسم شەهید بوگن. چەن ساڵ ئەبێت کە بە تەنیا دەژیم، کچەکانم مێردیان کردووە و تەنیا کوڕێکم هەیە کە ئەویش لەگەڵ خاتوونێکی عەجەم هاوسەرگیری کردووە. لەم ساڵانە بە بۆنەی خزمێکمان لەگەڵ گیا دەرمانییەکان ئاشنا بۆم، ئەو گۆتی کە بۆی کۆکەم و دەستمکرد بە گەڕان لە کەژوکێوەکان و لە گەڵای داری بڵچ و بەی تا ڕیشەی گیاکان هەموویم کۆکردەوە. تەواوی ژیانم بوو بە گیا و کۆکردنەوەی. خەڵک پێیان سەیرە ئەم هەمووەم چۆن کۆکردووە. بەڵام هەر جار و هەر رۆژ کە ئەڕۆم لق و چڵیش بێت دەیتێرمەوە. لەوانەیە ماڵەکەم تەنیا جێگەی دانیشتنی خۆم دەبێتەوە. هەر ساڵ ۱۵_۲۰تمەن لە ئەمانە فرۆشم هەیە. موحتاجی هیچ کەس نیم و بە مناڵەکانیشم کۆمەک دەکەم". ...

زیاتر بخوێنەرەوە

کانوونی دووەم 14 2021

January 14, 2021

by Redwan Adalat

0 Comments

لە: خەڵکی ڕۆژهەڵات

"باوكم ئەو دوكانەی دانا، خەڵك ئەگەر سەماوەر و كەتری یا عەلادین و پەڕەمێزیان لێ خرا دەبوو یا دووكەڵی دەكرد یا پڵیتەكەی دەبوو بگۆڕدرێ یا سەماوەر و كەتری بەریان دەگرت بۆی چاک دەكردن. ھەڵبەت دوای وەی كە خەڵك توانییان لە نەوت كەڵک وەربگرن، چونکە پێشتر ئەو كارانە بە دار یا ڕەژی دەكردران من ھەر لە منداڵێوە دەگەڵ باوكم دەچووم بۆ دووكان و كارم دەگەڵ دەكرد. بەڵام دواتر بە تەواوی دەستمكرد بەو كارەی و ئێستاش ھەر لەسەری بەردەوامم. كارەكەم بە ھۆی وەی كە دووكەڵی زۆر تێدایە یا زۆر جاران دەبێ بە ئەسید و مەوادی شیمیایی كارێ بكەم بڕێك مەترسیدارە و دەبێ زۆرم ئاگا لە خۆم بێ. ھەڵبەت ئێستاش بە ھۆی كەڵك وەرگرتنی خەڵك لە گاز، سەماوەرەكان بوون بە گازی و یا زۆربەی خەڵك لە كەتری بەرقی یا كەتری سەر گازی بۆ چا سازكردن كەڵك وەردەگرن و ھەر ئەوەش بۆتە ھۆی وەی كە كاری من لە جاران كەمتر بێ، بەڵام دیسانیش ھەر لە خودای بەزیاد بێ. شكور بۆ خودای دەتوانم بژێوی خۆم و ماڵ و منداڵم بە ڕسقی حەڵاڵ پەیدا كەم". ...

زیاتر بخوێنەرەوە

کانوونی دووەم 12 2021

January 12, 2021

by Redwan Adalat

0 Comments

لە: خەڵکی ڕۆژهەڵات

"ساڵی ١٣٥٨ ھەتاوی بە نمرەی زۆر چاک دیپڵۆمم وەرگرت و وام دانابوو كە بڕۆم بۆ زانكۆ و پێم خۆش بوو ببم بە ئەندازیاری كشتوكاڵ، بەڵام بە ھۆی ھێندێك كێشە كە لە ژیانمدا پێشھات نەمتوانی بڕۆمە زانكۆ و ئەوكات باوكم فرۆشیاری بە دەستەی شتی بەقاڵی بوو، منیش ھاتمە لای باوكم و لە دوكان خەریكی ئیش كردن بووم. دوای چەن ساڵێك باوكم نەخۆش كەوت و نەیتوانی ئیتر بێتەوە بۆ دوكان و بە منی سپارد. منیش دوای ماوەیەك ھەستمكرد ئەو ئیشە قازانجی زۆر كەمە و دەبێ بیگۆڕم، ھەر بۆیە شۆنێكم وەك كارگا دانا و شیر و ماستی لە ئاوایێكان دەكڕمەوە و لە كارگا دەیانكەم بە پەنیر و دۆ و ڕۆن و ئەو جورە شیرەمەنیانە و پاشان دەیانھێنم لێرە لە دووكانێ دەیانفرۆشمەوە. ھەرچەند كە من لە ئەوەڵ ڕا پێمخۆش نەبوو ئەو ئیشە بكەم، بەڵام ھەرچۆنی خودا بۆت ببڕێتەوە ھەروا دەبێ. خودا پێی سەڵاح بوو ببم بە گۆچانی دایك و باوكم و ئاگم لێیان بێ. تا ئێستاش ھەر بە عەلاقەوە ئیشم كردۆ و خودا ھەموو كات ئاگای لێ بوومە". ...

زیاتر بخوێنەرەوە

کانوونی دووەم 10 2021

January 10, 2021

by Redwan Adalat

0 Comments

لە: خەڵکی ڕۆژهەڵات

"پێنج ساڵان دڵداری یەکتر بووین قەدیم، زەمانی ژن بە ژنە بوو بۆیە نەماندەتوانی هاوسەرگیری بکەین. بەڵام دوایە کێشەی ژن بە ژن لە نێو کۆمەڵگا لاچوون و هاوسەرگیریمان کرد. دوای هاوسەرگیری و چەند ساڵ لەگەڵ بنەماڵەبوون ماڵمان جوودا کردەوە و ئێستا لێرە دەژین. خۆشیشمان دیووە و ناخۆشیشمان دیون. خۆشترین ڕۆژی ژیانم ڕۆژی زەماوەندەکەم بوو وە لە دایکبوونی یەکەم کوڕم واتە یەکم منداڵم. ناخۆشیم زۆر دیوون، هێندێک کێشەی بنەماڵەیی بوو هەر ئەوەش دووچاری نەخۆشی کردم و ئێستاش کێشەی جەستەم هەیە. ئامۆژگاریم بۆ داهاتوو هەموو ئەوانەی وا یەکتریان خۆشدەوێ بە یەک بگەن. ناخۆشیش کە هەموو کەس دەیانبینێ و لە دەستچوونی ئەزیزانن. لای ئێمە لە پێش خەتنە و سۆنەتی کچانیان دەکرد وا بزانم تەرسناکترین کاتی ژیانی هەر کچێک ئەو سەردەمە ئەوە بوو، بەداخەوە ئەونە ترسناک و ناحەزە کە تا هەتا هەتایی لە سەر ژیانمان دەمێنێت". ...

زیاتر بخوێنەرەوە

کانوونی دووەم 08 2021

January 8, 2021

by Redwan Adalat

0 Comments

لە: خەڵکی ڕۆژهەڵات

گەورەترین چتێک کە لە ژیانم لە دەستم داوە هاوسەرەکەم بوو. ژیانی هاوبەشیمان بە خۆشەویستی نەبوو، پێش ئەوەی مێرد بکەم لەگەڵی نەمدیبوو 15 ساڵم بوو. وە ئەو کات وا بوو زۆربەی کچەکان نەیانئەزانی لەگەڵ کێ مێرد دەکەن. درۆستە زۆربەی کات مێردەکان لەگەڵ ژنەکانیان باش نین و بە بۆنەی پیاوبوون و زۆرداری پیاوان لە کومەڵگا زاڵ ئەبن لە سەر ژنان، بەڵام هەر ئەلێم کە خۆشترین کاتی ژیانم ئەو کاتانە بوو کە لەگەڵ مێردەکەم بووم. 17 ساڵە مێردەکەم مردووە و بە بۆنەی ئەوە لای مناڵەکانم بم دووبارە مێردم نەکردەوە. بازێک شەو دادەنیشم بۆ تەنایی خۆم ئەگریم. شوکر مناڵەکانم زۆر خۆشیان ئەوێم و هەمیشە زەنگم بۆ لێ ئەدەن و هەواڵم ئەپرسن بەڵام جار جارێک پێش دێت کە موشکلێکت بۆ پێش دێت و هیچ کەس بە دەورت نییە و رووت نیە و ناکرێت کە مۆزاحمی منداڵەکان بیت ئیتر ئەو کاتانە لە ژیان بێزار ئەبیت. ئامۆژگاریم بۆ خەڵک ئەوەیە کە ئەگەر ژیانی هاوبەشی پێک دێنن ئەبێ بیرکەن کە یەکجار ببێت نە ئەوەی کە زوو مێردکەن و دوای ماوەیک نەتوانن سەبووری کەن ژیانیان بشێونن. پیاو لە دەرەوە ماندوو دەبێت و بەعزێک کچان بە ئەمە نازانن کە ئەبێ سەبوور بن لەگەڵ مێردەکانیان". ...

زیاتر بخوێنەرەوە

کانوونی دووەم 05 2021

January 5, 2021

by Redwan Adalat

0 Comments

لە: خەڵکی ڕۆژهەڵات

"لە کلاسی 6 بووم دەستمکرد بە وەرزش کردن بە شێوازی حرفهای، دەر چۆن و وەرزش ئێستە شەش ساڵە وەرزش دەکەم. خۆشترین کاتی ژیانم ئەو کاتەیە کە خانەوادەم دوور بن لە بەڵا و نیگەرانی و هەروەها ئەو کاتانەی کە دایکم بزەی پێکەنین لەسەر لێویە. ئارزۆم ئەوەیە کە لە ئولەمپیکی 2024 ببم و لە مەقامی جەهانی بێنم و ببمە هۆی شادی و خۆشی بۆ گەلی کورد. یەک ساڵە کە بە بۆنەی ئاسیب لە وەرزش حرفهای دوورم و مەسدوومم. ئەم یەک ساڵە هیچ کوێ بێجگە تەربیەت بەدەنی مەریوان حێمایەتی لێم نەکردە. ئومیدوارم بە زووترین کات باش ببم و ئێسپانسری پەیدا بکەم چۆن وەرزشکردن لە ئەم شارە زۆر زۆر سەختە، ئێستە من یەکێک لە ئومیدەکانی شارەکەمم لە ئەم وەرزشە حەیفە کە دووربم پێمخۆشە بە زووئی بگەرێمەوە بۆ وەرزشەکەم". ...

زیاتر بخوێنەرەوە

کانوونی دووەم 04 2021

January 4, 2020

by Redwan Adalat

0 Comments

لە: خەڵکی ڕۆژهەڵات

"باوكم لە نێو بازاڕی مەھاباد دوكانێكی گەورەی ھەبوو و ئیشی لێفەدوورینی دەكرد، ھەموو کات زۆرم حەز بەو ڕەنگ و نەقشانەی سەر لێفەكان دەکرد، ھەڵبەت ئەو نەقشانە ھەموو نێوی تایبەت بە خۆیان ھەیە كە ئەو كات من نەمدەزانی، من و برایەكی گەورەتر لە خۆم زۆر جاران دەچووینە لای بابم لە دوكان، برا گەورەكەم زۆر حەزی لە وەرزشکردن بوو و دایمە دەچوو بۆ ڕاھێنان. ڕۆژێك كە لە خەو ھەستاین دیتمان كە باوكم سەكتە لێیداوە و تازە ناتوانێ كار بكات. من و براكەم ماوەی 10 ڕۆژان چووینە دوكان و نەمانھێشت دوكانەكە داخرێ. كاكم چونکە دەچوو بۆ وەرزش و دوایە دەھاتەوە دوكان دەیگوت ئەو كارە زۆر سەختە و من زۆر ماندوودەبم، دەتاقەتی مندا نێ. ئیتر ئەو برایەم نەھاتەوە و من بووم بە بنەی ماڵێ، ھەر چەن كە تەمەنم زۆر كەم بوو. باوكم دوای 10 ساڵان عەمری خودای كرد، من مامەوە و دوکانێک. تا ئێستاش ھەر دوكانەكە ماوە و بۆخۆم لەسەری دەبم بەڵام بەھۆی وەی كە تەمەنم چۆتە سەرێ و تاقەتم كەمبۆتەوە، ناتوانم زۆر كار وەرگرم و كارەكانم دەنێرم بۆ ئەو كەسانەی كە لە كنم فێر بوون و ئێستا بۆخۆیان دوكانیان ھەیە و بە تەنیا ئیش دەكەن". ...

زیاتر بخوێنەرەوە

کانوونی دووەم 02 2021

January 2, 2021

by Redwan Adalat

0 Comments

لە: خەڵکی ڕۆژهەڵات

"دوای سەربازی و هاتنەوەم لەوێ، بیرم کرد کە کاملبووم و ئاگاهیکی باشم لە سەر ژیان هەیە، هەر ئەوکاتە کە هاتمەوە هاوسەرگیریم کرد. پێموایە دوای هاوسەرگیرییەکەم ژیانم زۆرتر پر لە ئاگاهی و زانیاری بووە و ئێستە دەتوانم بڵێم بنیامێکی ئاگادارم. ژیانی هاوبەشی بنیام مەحدودتر دەکات بەڵام زۆر گرینگە لە داهاتوو و بیر و باوەری ئێنسان. هاوسەرەکەمم خۆم هەڵمبژارد و زۆر خۆشم بوو، دوو ساڵ خاتوونەکەمم خۆشدەویست. پێش ئەوەی کە بە خانەوادەم بلێم. ئەو کات کە من جەوان بووم و لە گوند دەژیام، نە موبایل بوو و نە هیچی دیکە بۆ گەیشتن و نیشاندانی خۆشەویستیت بە خۆشەویستەکەت نەبوو. زۆر سەخت بوو بەڵام زۆر جیاواز بوو لەگەڵ ئێستە. شەو و ڕۆژ لە کوڵانەکان بە هیوای ئەوەی کە ئەو کەسەی کە خۆشماندەویست ئەگەریاین و نامەمان دەنووسی و لە سەر رێگاکەیان داماندەنا تا بەڵکو بیبینن و بیخوێننەوە. ئێستە زیاتر لە خۆم و ئێمانم دەترسم چۆن لە نوێژ خۆیندن کاڵ نوێژم. زۆر کات زۆر چت ببووە کە پێمخۆشبووە پێبگەم و دڵم پێخۆش بووە، بەڵام نەکراوە یا کاتێک کە بۆم جۆر بووە ئیتر پێم ناحەز بوون و دڵم وەکو ئەو کاتەی کە حەزم لێ ببووە نەبووە". ...

زیاتر بخوێنەرەوە

کانونی یەکەم 31 2020

December 31, 2020

by Redwan Adalat

0 Comments

لە: خەڵکی ڕۆژهەڵات

"کچی زوو ئەونە فەقیر بوو و هیچی لە سوراو و سپیاوی نەدەکرد و تەواوی رازاندنەوەی ئێمە کچانی ئەو سەردەم ئەم کڵاوە و ئەم شێوازە پۆشتنە بوو. ئەو سەردەم ژیان زۆر سەختبوو بۆ ئێمە، ژنان و کچان زیاتر وەکو ئێستە نەبوو کە کوان ئەوندە ئازان و پێیان سەخت ناگرن و دەتوانن لەگەڵ پیاوەکان فەرقیان نەبێت، ئێمە تەواوی تەمەنمان لەگەڵ مێردەکەی خۆمانیش هەر بە شەرم و حەیا دەژین وە بگاتە خەزوور تا هەموو پیاوانی کە لەگەڵیان لە یەک مالیش دەژین. ئەم کڵاوە شەو و رۆژ لە سەرمدا دانانێم لە گەرما و سەرمادا، بە ئەوەش شەوانە دەنووم تۆندوتۆڵ لەچکێکی لەسەر دادەنێم هەر لە منداڵیەوە لە سەرمبووە هەفتاد هەشتاد ساڵ دەبێ. عادەتم کردووە پێی، ئەم شێوازە کڵاوە لە ئەم مەنتەقە زۆر هەبوو، بەڵام ئێستە لە تەواوی گۆندەکەماندا چەن کەسێک کە تەمەنیان کردووە ئەم کڵاوەیان لەسەردا ماون و هەندێک کەس لە مەهاباد و بۆکان. جەوانەکان لە سەر نانێن، ئێستە ئەوان هەر لەچک دادەنێن. ناتوانن زێر بکڕم و ئەم میروانە شێنەم لە مڵ کردووە بۆ ڕازاندنەوە با لە چاو نەچم و خەڵکی چاوم لێ نەدەن. ئەو رەیحان و گیانەی بۆن خوشە لە ملوانکەکەم دادەنێم بۆ بۆنم خۆش ببی با بۆنم کەن نەیژن ئەو پیرە و بۆنی خۆش نییە". ...

زیاتر بخوێنەرەوە

کانونی یەکەم 29 2020

December 29, 2020

by Redwan Adalat

0 Comments

لە: خەڵکی ڕۆژهەڵات

"کاتێک لە سکی دایکم دەبم و تەواوی هاوینان خزمەکانمان بەیەکەوە لە هەواری با پیرم لەگەڵ یەکتر ژیان بەسەر ئەبەن، مامی بابم بە خۆشەویستی کوێستانانی گۆندەکەمان ناوی کوێستانم لەسەر دادەنێت. بەڵام دوای ماوەیەک کە ئیسماعیل سەردەشتی گۆرانی کۆچەری گوت لە خۆشەویستی پێم ئەڵێن کۆچەر. ئەوەنە بە ئەم ناوەم بانگهێشت دەکەن کە خۆم لێمتێکچوون. ئێستە بیست ساڵمە و تا پێنج کلاس دەرسم خوێندووە، زۆریش لە دەرس خوێندن ئازا بووم. بابم سەرباز بوو و سەخت بوو ئەنا زۆرم پێخۆشبوو و ئێستەش هەر خەفەتی دەخووم، خەڵکی گوندی ئێمە لە ئەم ساڵانەی رابردوو زۆر بە کچ ئازادی دەدەن و بەها دەدەن بە شێوازێک کە لە هەموو بوارەکان کچ و کوڕ لەلای یەکن ئەو کاتەی کە جەژنی نەورۆز دەگرین بە جوانی دەیبینین کە خەڵکی ئێمە چەن باش بە ژنان روانینیکی تایبەتیان هەیە، هیوام ئەوەیە هەموو کوردستان بەیەک چاو و یەک رەنگ بە ئێنسانەکان بڕوانن". ...

زیاتر بخوێنەرەوە

کانونی یەکەم 25 2020

December 25, 2020

by Redwan Adalat

0 Comments

لە: خەڵکی ڕۆژهەڵات

"بە بیروڕای خۆم هیچ چتێکی گرینگم تا ئێستە لە دەس نەداوە، شایەد بە هۆی تەمەنم بێت و هێشتا مناڵم بەڵام کاتێک کە پراید ئەو ماشینە نامووە لە ئێران بوو بە سەد میلیون ئیتر زۆر بێزاربۆم لە ژیان. بۆ ئەوەی کە بە ئامانجەکانم بگەم داهاتوو زۆر بۆم گرینگە چۆن هەر بە بۆنەی ئەو ئامانجە و بریارێک کە بە خۆمم داوە بۆ گەیشتن بە ئاواتەکانم، لە وڵات و خانەوادە و خۆشەویستەکەم دوور بۆم. لە اللە و حێماقەتی بەشەر لە کاتێک برسیەتی زۆر دەترسم. پێم وایە ئەگەر کەسێک زانیارییەک یان ئاگایی هەیەتی بەس با بۆ خۆیان نەبێت و هەر چێک لە تەوانیان دایە بۆ خەڵک و دەوروبەریان کەڵکی لێ وەربگرن. ژیان لە لای من هەر ئەوەیە و بیر بە خاڵقی خۆیان کەن کە لە هەموو شتێک بۆ ئێمەی بەشەری داناوە و پێمان دەبەخشێت. وەرزش ژیانی منی گۆڕان بۆیە بە هەموو کەس دەڵێم رۆژێک تەنانەت ٢٠ چرکەش بوبێت وەرزشکەن. هەر کات زانستت هەبوو لە چتێک ئەو کات قسە بکەین و ئەگەر زانیمان کە قسەکان بێهودەیە و لە بیر و بۆچوون ئێمە تێ ناگەن و لە ئێمە داوای نەزەر ناکەن وا باشترە هەر بڕیار نەدەین و خاموش بین". ...

زیاتر بخوێنەرەوە

کانونی یەکەم 23 2020

December 23, 2020

by Redwan Adalat

0 Comments

لە: خەڵکی ڕۆژهەڵات

"كاتێك مێرمناڵ بووم و لە دواناوەندی دەرسم دەخێند زۆرم حەز لە وەرزش بوو و ئەو ڕۆژانەی وەرزشمان ھەبوو من بە تایبەت لە بەشی والیباڵ و بەسكیتباڵدا وەرزشم كرد. ڕۆژێك لە حەوشەی قوتابخانە خەریكی بەسكێتباڵ بووم، لە تەنیشت یاریگەی بەسكێتباڵەكە چەن دانە لە ئاواڵەكانم خەریكی وەرزشی حەوادانی قورساییبوون، لە ناكاو قورسایێك كەوتە ناو یاریگەی بەسكێتباڵەوە، منیش بۆ وەی یارمەتیان بدەم، قورسایێكەم بۆ حەوا دانەوە، ھەر ئەوەندە ئاگام لێ بوو نەفەریك لە پشتەوەڕا دەستی گرتم، دیتم مامۆستای وەرزشەكەمانە، گوتی تۆ حەوادانی قورسایی لە كوێ فێربووی و لە كەنگێوە خەریكی ڕاھێنانی كە من ئاگام لێنییە، گوتی ئەو ئاواڵانەت نیزیكەی ٦ مانگە لەسەر حەوادانی قورسایی كار دەكەن بەڵام بەو حاڵەشەوە ئەو حەوادانەی ئێستا تۆ بۆت ھاویشتن ٥ میتر لە ئی وان زیاتر بوو. منیش گوتم وەڵا من قەتم ڕاھێنان نەکردووە، گوتی تۆ تواناییت زۆرە بۆ ئەو وەرزشە. ئیدی لە دوای ئەو ڕۆژەوە من لقی وەرزشیم گۆڕی و چووم بۆ حەوادانی قورسایی، كە زۆر تێیدا سەركەوتم و چەن جارایش خەڵاتی پارێزگام وەرگرت". ...

زیاتر بخوێنەرەوە

Newer Posts Older Posts