خەڵکی ڕۆژئاوا - Humans of Kurdistan

تشرینی دووەم 08 2020

November 8, 2020

"خوشکێکم هەیە دەیویست بچێتە یەکینەکانی پاراستنی ژنان (YPJ) بەڵام ئەو کاتە تەمەنی بچووک بوو، بەڵام زۆر حەزی دەکرد. بە خۆمم وت ئەگەر بوو بە 18 ساڵ و هێشتا هەمان حەز و بڕیاری هەبوو، خۆم ئاهەنگێکی گەورەی بۆ دەگێڕم پێش ئەوەی بڕوات. کە بوو بە 18 ساڵ هەمان بڕیاری هەبوو بۆیە ئاهەنگێکم بۆ گێڕا لەگەڵ کەسە نزیکەکانی و هاوڕێکانی، دایکم چەکێکیدا بە خوشکەکەم بۆ ئەوەی بەرگری لە خاکەکەی بکات. لەو کاتەدا بۆ من خوشکەکەم جێگەی شانازی بوو بۆ من و لە هەمان کاتیشدا زۆر قورس بوو بۆم کە خوشکەکەم بەجێی دەهێشتم. ئێستا کە جار جار سەردانی دەکەم زۆر هەست بە شانازی دەکەم کە بوو بە شەڕڤانێکی ئازا و بەرگری لە ڕۆژئاوا و هەموو کوردستان دەکات." ...

زیاتر بخوێنەرەوە

تشرینی دووەم 07 2020

November 7, 2020

by Redwan Adalat

0 Comments

لە: خەڵکی ڕۆژئاوا

"تەمەنم دوانزە ساڵان بوو کە دەستمکرد بە تایکواندۆ، کاتێک دەمبینی سێ کوڕی پورم دەڕۆیشتن بۆ تایکواندۆ بە جلی سپییەوەوە و قایشیان بەستبوو منیش حەزم لێکرد. لە سەرەتادا خەڵکی زۆر دژی بڕیارەکەم بوون و قبوڵیان نەدەکرد، دەیان وت ئەمە وەرزشی پیاوانە و بۆ کچان ناگونجێت، کچ دەبێت خەریکی خوێندنەکەی بێت، بەڵام خێزانەکەم ڕازی بوون لەگەڵ بڕیارەکەم بە تایبەتی خاڵم بەڵام بە شەرتێک کار نەکاتە سەر خوێندنەکەم. ناوی خۆم لە خوێندنگەیەکی تایکواندۆ تۆمارکرد و دەستمکرد بە ڕاهێنان، لەوێ لە هەموو کچەکان باڵام بەرزتر بوو، بەهێزیش بووم هەتا پێیان دەوتم ک پیاوە ئاسنینەکە. سەرەتاییەکانی تایکواندۆ فێربووم و بەردەوام بووم لە ڕاهێنان تا گەیشتمە ئاستی پێشکەوتوو. خەڵاتی زۆرم بەدەستهێنا لەسەر ئاستی نێودەوڵەتی، بەڵام ئەمساڵ بەهۆی كۆرۆناوە ڕاهێنانەکان ڕاگیران بۆیە لە ماڵەوە ڕاهێنانم دەکرد. بەدەستهێنان ئەو هەموو خەڵاتە لەسەر ئاستی نێودەوڵەتی جێگەی دڵخۆشین و دڵنیام کاریگەری دەبێت لەسەر کچانی شارەکەم بۆ ئەوەی بەشداری یارییە وەرزشییەکان بکەن. لە ئێستادا خوێندکاری کۆلێژی یاسام و لەهەمان کاتیشدا بووم بە ڕاهێنەر و ناوبژیوانێکی نێودەوڵەتی." ...

زیاتر بخوێنەرەوە

تشرینی دووەم 06 2020

November 6, 2020

by Redwan Adalat

0 Comments

لە: خەڵکی ڕۆژئاوا

"کە تەقدیمم کرد بۆ خوێندنی ئامادەیی دەرەجەیەکی زۆر بەرزم هێنا، سێیەم بووم لەسەر ئاستی سەریکانێ و شەشەم لەسەر ئاستی حەسەکە. دوای تەواوکردنی ئامادەیی بۆ ساڵێک لە خوێندن وەستام بەهۆی ئەو هێرشانەی لەسەر شارەکە بوون ساڵی 2012، هەموو تۆمارەکانی خوێندنم سوتا ناچار لە دیمەشق تۆمارەکانم وەرگرتەوە و دەستم کردەوە بە خوێندن لە لازیقیە، لەگەڵ خوێندنەکەم لە دەرمانخانەیەکیش کارم دەکرد بۆ ئەوەی خیبرە پەیدا بکەم و زۆریش سوودم لێبینی. ساڵی 2016 زانکۆم تەواو کرد و دەرمانخانەیەکم دانا. لەسەرەتادا زۆر دەترسام لەبەرئەوەی چارەنووسی نەخۆشەکانم لەدەستدا بوو. بەڵام ڕۆژ بە ڕۆژ سیقەی زیاترم بەخۆم کرد. لە کۆتاییەکانی 2019 وڵاتی تورکیا هێرشێکی بۆسەر شارەکەمان دەستپێکرد بۆ داگیرکردنی تەنها ئەونەمان لەدەست هات هەڵبێین و چارەسەری بریندارەکان بکەین. پاشان لە قامیشلۆ نیشتەجێبووم و پێنج مانگ لەمەوبەر دەرمانخانەیەکی ترم کردەوە." ...

زیاتر بخوێنەرەوە

تشرینی دووەم 04 2020

November 4, 2020

by Redwan Adalat

0 Comments

لە: خەڵکی ڕۆژئاوا

"بەهۆی خراپی باری داراییەوە نەمتوانی بەردەوامی بە خوێندنەکەم بدەم، لەگەڵ خێزانەکەمدا دەژیام لە خانوویەکی گڵدا بەڵام بەهۆی بچووکی خانووەکەوە دوو ساڵە من لەگەڵ بانگخوازی مزگەوتەکەدا دەژیم. پێشتر لە بواری چارەسەی فیزیایی و ڕاگەیاندن و تەنانەت لە بواری سینەما و شانۆشدا کارم کردووە، لە ساڵی 1997 بەشداری شانۆی "ماسییە ئاڵتونییەکە"م کردووە. بەڵام بەهۆی قەڵەوییەکەمەوە ماوەی 10 ساڵ دەبێت هیچ کارێکم وەرنەگرتووە و تەنانەت لەلایەن خەڵکیشەوە گاڵتەم پێ دەکرێت کە کاریگەری دروستکردووە لەسەر دەروونم. چوار زمان دەزانم، ئینگلیزی و عەرەبی لە مەکتەب فێربووم، زمانی کوردیش زمانی دایکە و زمانی تورکی لەڕێگەی تەلەفزیۆنەوە. سەرەڕای شارەزایم و خیبرەکانم نەمتوانی هیچ ئیشێک وەرگرم، زۆربەی ئەو ئیشانەی تەقدیمم کردووە لەبەر قەڵەوییەکەم وەرنەگیراوم، ئەوەش زۆر بێتاقەتی کردووم، هیوادارم ڕۆژێک ئیشێک بدۆزمەوە بۆ ئەوەی بتوانم پێداویستییەکانی ژیانم دابین بکەم." ...

زیاتر بخوێنەرەوە

تشرینی دووەم 04 2020

November 4, 2020

by Redwan Adalat

0 Comments

لە: خەڵکی ڕۆژئاوا

"لە تەمەنی حەوت ساڵییەوە دووگۆڵی دەکەم، زۆربەی کاتەکان من و جانی هاوڕێم لە ساحەی گڵدا یاری دەکەین. لەکاتی ڕاهێنانەکاندا ڕووبەڕووی یەکتر دەبینەوە بەڵام لەکاتی یارییە ڕەسمییەکاندا لەگەڵ یەکدا یاری دەکەین، چونکە یەکترمان زۆر خۆش دەوێت، بەڵام لەهەمان کاتیشدا شەڕ زۆر دەکەین بەیەکەوە. وازم لە خوێندن هێناوە بۆیە ئێستا کاتم زۆرە بۆ یاری کردن، ئێستا خەریکی خۆ ئامادەکردنین بۆ دامەزراندنی تیپێک بۆ بەشداریکردن لە خولی قامیشلۆ. و من خۆم جموری بەرشەلۆنەم بەڵام دایک و باوکم جموری ڕیاڵ مەدریدن و جلی ڕیاڵ مەدریدیان بۆ کڕیم بە ناچاری لەبەرم کرد هەرچەندە ڕقم لە ڕیاڵ مەدریدە. کاتێکیش ڕیاڵ مەدرید و بەرشەلۆنە بەیەکەوە یاری دەکەن هەندێک جار دەبێتە شەڕمان چونکە هەریەکەمان جموری نادییەکین، ئەگەر بەرشەلۆنە بدۆڕێت من چەند ڕۆژێک خۆم دەشارمەوە لەبەر ئەوەی گاڵتەم پێدەکرێت." ...

زیاتر بخوێنەرەوە

تشرینی دووەم 02 2020

November 2, 2020

by Redwan Adalat

0 Comments

لە: خەڵکی ڕۆژئاوا

"کاری دروستکردنی خانوو دەکەم بە قوڕ ،هەر لە منداڵبووم لە باوکمەوە فێربووم، کارێکی جوان و خۆشە، لە ڕابردوودا خێزانەکان یارمەتی یەکیان دەدا کاتێک خانووەکانیان چاکدەکردەوە و بۆ وەرزی زستان ئامادەیان دەکرد. ئێستاش یارمەتی هەیە بەڵام وەک جاران نیە، جاران جەوێکی تایبەتی هەبوو، کەسە بەتەمەنەکان گفتوگۆیان دەکرد و گەنجەکانیش خەریکی ماڵ چاککردنەوە بوون و ئافرەتەکانیش خەریکی نان ئامادەکردن بوون. ئەم خانووە قوڕانە تەنها لە ناوچەی جزیرە هەیە لە ناوچەکانی تری ڕۆژئاوا نەماوە، هۆکاری مانەوەی ئەم خانووانە ئەوەیە لە هاویناندا ساردە و لە زستانانیشدا گەرمە. ئەم خانووانە لە قوڕێکی تایبەت دروستدەکرێن، کە قوڕی ڕەشە، هەموو قوڕێکی بۆ نابێت. و من خۆم خانووی قوڕم بەلاوە خۆشترە لە خانووەکانی تر." ...

زیاتر بخوێنەرەوە

تشرینی دووەم 01 2020

November 1, 2020

by Redwan Adalat

0 Comments

لە: خەڵکی ڕۆژئاوا

"لەبەر ئەوەی دۆڵێک هەبوو لە ناوەڕاستی گوندەکەمان نەمدەتوانی بچم بۆ خوێندنگە، چونکە لە زستاناندا باران و لافاوا دۆڵەکەیان پڕدەکردەوە. لەبەر ئەوە دایک و باوکم نەیان دەناردم بۆ خوێندنگە لەترسی ئەوەی شتێکم لێ بەسەر بێت، چونکە ئەو کاتە تاقانە بووم. تەمەنم 12 ساڵان بوو باوکم بڕیاریدا چەند مەڕێکم بۆ بکڕێت بۆ ئەوەی چاودێری و خزمەتیان بکەم. کە بووم بە 20 ساڵ چووم بۆ خزمەتی سەربازی، کاتێک جەنگی 1973 ڕوویدا هێشتا سەرباز بووم. ئێمە نزیکی 100م لە خاکی ئیسرائل دوور بووین، بەرەبەیان چووینە خاکی ئیسرائل، پێش بانگی بەیانی دەستمان کرد بەنان خواردن چونکە بەڕۆژوو دەبووین، لەو کاتەدا تەقەیەکی زۆر کرا بەسەرماندا بەڵام توانیمان سەرکەوتوو بین. دوای ماوەیک نان و ئاومان لێبڕا و فەرمانمان پێکرا سواری سەیارەکانمان بین و بچینە ناوچەیەکی تر، لەو کاتەدا فڕۆکەکانی ئیسرایل بۆمببارانیان کردین، تەنها 20 سەرباز دەربازبووین. دوای ئەو هەموو کارەساتە گەڕامەوە و دەستم کردەوە بە شوانی چەند مەڕێک بۆ ئەوەی هەم بەردەوام بم لە ڕۆیشتن و تەندروستیم باش بێت." ...

زیاتر بخوێنەرەوە

تشرینی یەکەم 31 2020

October 31, 2020

by Redwan Adalat

0 Comments

لە: خەڵکی ڕۆژئاوا

"دوای ئەوەی قۆناغی پێنجەمی خوێندنم تەواو کرد، دوای ماوەیەک چووم بۆ دیمەشق بۆ ئەوەی دەستبکەم بە کارکردن، لەوێ لەگەڵ براکەم بۆیاخچی بووین. نزیکەی 27 ساڵ لە دیمەشق بووم، لەگەڵ دەستپێکردنی جەنگی ڕۆژئاوا و دەتسپێکردنی شۆڕش لە ڕۆژئاوا، بە خۆمم وت دەبێت بگەڕێمەوە بۆ قامیشلۆ بۆ ئەوەی بۆنی ئازادی بکەم لەدوای ئازادکردنی لە ڕژێمی سوری و دەبێت من منداڵەکانم لە خزمەتی ڕۆژئاوادا کار بکەین. کوڕێکم چووە ڕیزی ئە هێزە کوردییانەی ناوچەکەیان دەپاراست، دوای ماوەیەک هەواڵی شەهیدبوونیم پێگەیشت، زۆر پێی بێتاقەت بووم و لەهەمان کاتیشدا جێگای شانازی بوو بۆم. ئێستا 72 ساڵم، زۆر گەنج دەرەکەوتم سەرەڕای زۆری تەمەنم، بەڵام هەواڵی شەهیدبوونی کوڕەکەم پیری کردم، ئەمە باجی ئەوە بوو کە بە ئازادی بژین و بەزمانی دایک قسە بکەین بەبێ ئەوەی زوڵممان لێبکرێت. ماوەیەک لەمەوپێش دوکانێکی بچووکم کردەوە بۆ کڕین و فرۆشتنی شتی کۆن و بەکارهاتوو بۆ ئەوەی داهاتێکم دەستبکەوێت بۆ ژیانی ڕۆژانە." ...

زیاتر بخوێنەرەوە

تشرینی یەکەم 29 2020

October 29, 2020

by Redwan Adalat

0 Comments

لە: خەڵکی ڕۆژئاوا

"هەمیشە خەونم بەوەوە دەبینی بچمە زانکۆ، بیرمە یەکەم ڕۆژ چوومە قوتابخانە زۆر دڵم خۆش بوو، زۆر هەوڵم دەدا لە خوێندن، دواتر چوومە دواناوەندی، سووربووم لەسەر ئەوەی دەرەجەی بەرز بێنم، ماوەیەک پێش تاقیکردنەوەی کۆتایی کە لە ڕێگا بووم بۆ قوتابخانە تووشی ڕووداوی هاتوچۆ بووم، برینداربووم و تەندروستیم تێکچوو بردیانم بۆ نەخۆشخانە، بەو هۆیەوە نەمتوانی بەشداری بکەم لە تاقیکردنەوەکان. ماوەیک لە نەخۆشخانە مامەوە هەتا تەندروستیم باش بوو بەڵام باری دەروونیم هێشتا باش نەبوو، ساڵێک خوێندنم فەوتا. زۆر بێتاقەت بووم هاوڕێکانم هەموویان چوونە زانکۆ و گەیشتن بە خەونەکانیان. بەڵام لێرەدا نەوەستام، بڕیارمدا ساڵی داهاتوو بگەڕێمەوە خوێندن، سەرەڕای ئەو دۆخە خراپەی هەبوو، لەگەڵ ئەو جەنگەی تێیدا بووین و دواتریش کۆرۆنا بڵاوبووەوە کە هەموو شتێکی وەستاند لە هەموو جیهاندا بەڵام هەر ئیرادەم بەهێز بوو، هەوڵی زۆرمدا و تاقیکردنەوەکانم ئەنجامدا و گەیشتم بە خەونەکەم، ئێستا خوێندکاری زانکۆم لە بەشی ئابووری." ...

زیاتر بخوێنەرەوە

تشرینی یەکەم 28 2020

October 28, 2020

by Redwan Adalat

0 Comments

لە: خەڵکی ڕۆژئاوا

"ماوەی پێنج ساڵە لە قامیشلۆ دەژیم و خوێندکارم لە بەشی بازرگانی و ئابووری، بەدەر لەوە وێنەگرم لە سەنتەرێک، کە کار دەکات لە بواری وێنە، ڤیدیۆ و دۆکیومێنتاری. چوار ساڵ لەمەوبەر دەستمکرد بە کاری وێنەگرتن و زۆر حەزم لە کاری وێنەگرتن بوو، دوای ئەوە بەشداریمکرد لە دەورەیەکی پێشکەوتوو بۆ وێنەگرتن. سەردانی هەموو شارەکانی ڕۆژئاوامان کرد، لە دێریکەوە بۆ عەفرین، وێنەی سەربازی و سروشتمان گرت، وە هەر شتێک پەیوەندی هەبووبێت بە کلتووری ڕۆژئاواوە، دواتر یەکەم پێشانگای وێنەمان کردەوە و 100 وێنەمان تێدا نمایشکرد. و چەند دۆکیومێنتارییەکمان دروستکرد لەسەر جوڵانەوەکانی عەفرین، و گوندێک کە تایبەتە بە ئافرەتان و چەند بابەتێکی دیکە." ...

زیاتر بخوێنەرەوە

تشرینی یەکەم 25 2020

October 25, 2020

by Redwan Adalat

0 Comments

لە: خەڵکی ڕۆژئاوا

"کاتێک دەستم کرد بە خوێندنەوەی کتێبە کۆنەکان دەربارەی بنەڕەت و سەرەتای مۆسیقا، تەنانەت دەربارەی شارستانییەتی فیرعەونەکان و میدەکانیشم خوێندەوە. شتێک سەرنجی ڕاکێشام ئەوە بوو کە هەندێک حاڵەتی نەخۆشییان بە مۆسیقا چارەسەر کردووە. لەم بوارەدا قوڵ بوومەوە و لێکۆڵینەوەم لەسەر کرد، دەستمکرد بە چارەسەرکردن لە ڕێگەی ئامێری کەمانچەوە، چونکە ئامێرێکە بەر ڕۆح دەکەوێت و هێمنی و ئارامیت پێدەبەخشێت. هاوڕێیەکم هەیە کە بە سروشت قەلەقە، داوام لێکرد کە بێت قاوەیەک بخواتەوە لام، کاتێک کە گەیشت بینیم دەستی دەلەرزێت، پێم گوت چاوت دابخە چەند مۆسیقایەکت بۆ ئەژەنم بە کەمانچە و بۆچوونی خۆتم پێبڵێ. کە دەستم کرد بە ژەنینی مۆسیقاکە بینیم کە هێواش بووەوە و قەلەقییەکەی نەما، دڵنیا بوومەوە لە ڕاستی بابەتەکە. لێکۆڵینەوەی زیاترم لەسەر کرد بینیم چەند دەزگایەکی تایبەت بەم کارە هەیە لە یابان و ئەمریکا و تەنانەت دوبەیش ،کە خەڵک چارەسەر دەکەن بە مۆسیقا. دەتوانم شیکاری بۆ کەسێک بکەم لە ڕێگەی بینینی چاوییەوە و هەستکردن بە لێدانی دڵی، دواتر مۆسیقایەکی تایبەتی بۆ دەژەنم." ...

زیاتر بخوێنەرەوە

تشرینی یەکەم 25 2020

October 25, 2020

by Redwan Adalat

0 Comments

لە: خەڵکی ڕۆژئاوا

"دوای خوێندنی زانکۆ، بووم بە مامۆستا و لە چەند زانکۆیەک دەرسم وتووەتەوە، زۆربەیان لە لوبنان بوون، بەڵام دوای ئەو جەنگەی لە کۆبانێ ڕوویدا لە نێوان هێزە کوردییەکان و داعش، هەڵاتم بۆ تورکیا، کاتێک گەڕامەوە بۆ ڕۆژئاوا بینیم خانووەکەم وێران بووە و ئاساری نەماوە بەهۆی ئەو بۆمب بارانەی لە شارەکەدا هەبوو. ئەو پارەی کە وەرمدەگرت بۆ وانە وتنەوە نەمدەتوانی مەسرەفی ماڵەکەی پێبکەم، تەنانەت بەشی خۆشمی نەدەکرد. بۆیە لە برا گەورەکەمەوە خۆم فێری نەخشکردن لەسەر شوشە کرد، ماوەی هەشت ساڵ دەبێت خەریکی ئەو کارەم، زۆر لە کارەکەم ڕازیم و بەردەوام دەبم لەم کارەم." ...

زیاتر بخوێنەرەوە

Newer Posts Older Posts