خەڵکی ڕۆژهەڵات - Humans of Kurdistan

تشرینی دووەم 11 2020

November 11, 2020

"دوو سێ ساڵ پێش ئێستا دەستم بریندار بوو، یەکەم جار وامزانی کۆستەرەکەم خراپ بووە، چووم چاکی بکەم، بینیم پرژەی خوێن تەواو دیوارەکانی گرتووە و خوێن دێتە خوارەوە، ئەو کات تەماشام کرد و بینیم کە پەنجەکانم نەماوە، خراپترین شت کە لە ژیانمدا لە دەستمداوە پەنجەکانم بووە چونکە نیوەی کارەکانم پەکی کەوتووە، کارکردن سەختە بە نەبوونی پەنجەکانم. بەردەوامم لە ژیان و هەر ئاوات و ئارەزووم بە داهاتوو هەیە، بەڕێوەبەری پیشەسازی دەستی مەریوان بووم و خەڵکی مەریوانیشم زۆر فێری کاری جۆڵایی کردووە. موشتەری زۆرم هەیە بەڵام کەس نیە یارمەتیم بدات، ئامێری زۆریشم بۆ ئیشەکەم کڕی دوای ئەوەی خانەنشین بووم و گەڕامەوە نودشە. خۆم هەرچیم پێویست بێت دروستی ئەکەم." ...

زیاتر بخوێنەرەوە

تشرینی دووەم 07 2020

November 7,2020

by Redwan Adalat

0 Comments

لە: خەڵکی ڕۆژهەڵات

"فرە لە تەنیایی ئەترسم، تەنیایی فرە سەختە. شەوانە ئازا پەتووەکەم ئەخەمە سەرم و یەکسەر ئەخەفم. بەینێ ئەونە ئەترسیام و زاتم ئەچوو و بیرم ئەکرد کە جر و جانەوەرەی دنیا بۆم دێت هەر ئەو کاتە چۆم فیقەیکم سەند لە یەک و دووی نیوەی شەودا فیقەیکم تیا دەکرد هەموو هاوسێکانم ئەکێشا دەرەوە و ئەهاتنە دەرەو بەم جۆرەم دەکرد با تۆزێ لە سەرم پەرێت. سەختترین کات ژیانم ئێستەیە و زۆر تاڵە بۆ ئەوە تەنیام و کەس گەرەکمی نیە وەکوو جاران. بەڵام کاتێ کچ بۆم و ئەو کاتە تازە ژیانی هاوبەشیم پێک هێنابوو خۆشترین کاتی ژیانم بوو. جاران هەر کارێک پێم خۆش بوایت ئەنجامم ئەدا ئێسە هیچ کارێک ناتوانم ئەنجام بەم. ئێستەیش لە هەمیشە زیاتر بە مەردم و دوراو بەرو نیازم هەس، ئەم کرۆنایەش خراپتری کردوو چۆن ئەونە سەختە نە دەتوانێت بروینە لای خەڵک نەک خەڵکیش دێتە لامان هەموومان دەترسین. دایک و باوک و شوو و هەموویان زۆر باش بوون بۆم و گشتیان مردن. مێردەک تواو جەستەکانمی کرد بوو بە ئاڵتون و تواو ئەنگۆستە کانم ئالتۆن، تا ئێستە بە هیچ کەس نیازم نەبووە و هەمیشە دوعای خەیری بۆ دەکەم. چەن جار رۆیشتمە بۆ قەبریستان بۆ سەری زیارەتی مێردەکەم." ...

زیاتر بخوێنەرەوە

تشرینی دووەم 03 2020

November 3, 2020

by Redwan Adalat

0 Comments

لە: خەڵکی ڕۆژهەڵات

"تا ئێستە هیچ خۆشیکم نەدیوە و ژیانم پر بووە لە ناخۆشی بیر ئەکەم هیچ ناکاتە بیرم. دوایی جیاییم لە هاوسەرەکەم ماڵ و مندڵەکەمم بە باشترین شێوە بە خێو کرد .دوایی ماوەیک پوڵێک هاتە سەرم بە بۆنەی قورعە کێشی لە نێو مەحەلە، و هەر بەم بوونەوە کەوتمە زیندان. دوایی ساڵ و نێویک لە زیندان کتۆشی شێر پەنجە بووم و سەختیرن کاتی ژیانم ئەوە بوو کە عەمەلم کرد .لە ناو هەموو ئەم بەدبختیانە خانەوادەیشم ئاغمیان کرد و ئێتر نەیانهێشت برۆمە لایان و لە زیندان شرۆعم کرد بە کار کردن، هەموو کارێکم ئەکرد لە تەون و کارکردن بە جێگەی زیندتنییەکان تا پاسەوانی هەر ئەو کاتە ۸ میلیونم جۆر کرد و هەر ئەو کاتە لە دانێک لە هاوزیندانیەکەم داوام کرد کە سەندن بۆ دابنێت و دوایی ماوەیک بە زمانەت ئازاد بووم و ئێسەیش ۶۸ میلیونی ماوە بەلام بەردەوام کار ئەکەم و ژیانم بە سەر ئەوەم و مەردمیش کومەکم ئەکەن .زۆربەی ئەوانە کە لە لامن من بە ژنێکی چالاک دەزانن و هەر ئەمە بووە ئەوە هەر رۆژ زیاتر بە خۆم بنازم و زیاتر تەلاش کەم بە ئومێدی ژیانێکی بە ئەم حالە خۆشە شایەد بتوانێ جەستەیشم خاس ببێ و ئیتر ناخۆشیەکەم چاکەو ببێت." ...

زیاتر بخوێنەرەوە

تشرینی یەکەم 29 2020

October 29, 2020

by Redwan Adalat

0 Comments

لە: خەڵکی ڕۆژهەڵات

"لەبیرمە کە منداڵبووم زۆر حەزم لە گۆرانی وتن دەکرد، دەچوومە بەردەم ئاوێنەی ژوورەکەم و وەک هونەرمەندێک کە لەسەر شانۆ ڕاوەستابێت، هەرچی لەبەر دەستم بوایە لەباتی مایکرۆفۆن بەکارمدەهێنا و گۆرانیم دەوت، پاشان کە گەورەتر بووم زانیم جگە لە گۆرانی وتن بواری میدیاشم زۆر پێخۆشە هەستم دەکرد تێیدا لێهاتووم. لە تەمەنی لاویدا لەبەر چەند هۆکارێک فێربوونی ساز و ئاوازم بە نیوەچڵی وازلێهێنا و لە زانکۆ دەستمکرد بە خوێندنی ڕاگەیاندن و ڕۆژنامەگەری تا ئاستی بڕوانامەی ماستەرم خوێند، هاوکات وەک میدیاکارێک کاریشم دەکرد. بەڵام چەند ساڵێکە بەشێوەیەکی پڕۆفیشناڵ و باشتر دەستمکردووەتەوە بە گۆرانی وتن و ئاواز چڕین. ئێستا تێگەیشتووم کە نابێت هەرگیز پشت لە خەونی منداڵی و ئاواتی ژیانت بکەیت، لەبەر ئەوەی تۆش واز لەو خەونەت بێنیت ئەو هەرگیز وازت لێناهێنێت." ...

زیاتر بخوێنەرەوە

تشرینی یەکەم 28 2020

October 28, 2020

by Redwan Adalat

0 Comments

لە: خەڵکی ڕۆژهەڵات

"ژیان کاتی خۆی زۆر ناخۆش بوو، ئەو کاتانە خەڵکی 10 ئەوەندەی خەڵکی ئێستا ماندوو دەبوو، خەڵکی ئێستا لە ژیانێکی خۆش و ئاسوودەدایە. ئەو کاتانە خەڵکی دار یان هەر شتێکی تری بگواستایەتەوە بە کۆڵ یان بە وڵاخ دەیانکرد بەڵام ئێستا وا نەماوە. جاران خەڵکی ژیانی ناخۆش بوو بەڵام دڵی خۆش بوو، ئێستا بە پێچەوانەوە ژیانیان خۆشە بەڵام دڵیان خۆش نیە. ئێستا دڵیش ڕەق بووە، جاران زۆر کەم نان بەبێ میوان خوراوە، کەچی ئێستا یەکێک بێتە گوندەکەمان لەوانەیە خەڵک پێیان ناخۆش بێت و بڵێن بۆ هاتووە. جاران ئەگەر بیست بۆ سی ماڵ لە گوندێکدا بوونایە کە یەکێک دەهات بۆ گوندەکە وایدەزانی ئەمانە هەمووی یەک بنەماڵەن، خەڵک ئەوەندە تێکەڵ بوون." ...

زیاتر بخوێنەرەوە

تشرینی یەکەم 27 2020

October 27, 2020

by Redwan Adalat

0 Comments

لە: خەڵکی ڕۆژهەڵات

"تا ئێستا چەند جۆرە کارێکم کردووە بە تەختە وەک نەخش دروستکردن لە تەختە، هەڵکۆڵین لەسەر تەختە و دروستکردنی یاری منداڵان لە تەختە و بەدەر لەمانەش زۆربەی کارە دەستییەکانم کردووە. بەڵام (دروستکردنی نەخش بە سوتاندن)ی تەختەم لە هەمووی زیاتر حەز لێبوو. لە پێشانگایەکی تایبەت بە هونەری دروستکردنی نەخش بە سوتاندن بووم، فۆتۆگرافەرێک پێی وتم بۆ ئەو وێنانەی لە خەیاڵتن وێنەیان ناگریت، ئەوە بوو بۆ یەکەم جار دەستمکرد بە کاری فۆتۆگرافی و زۆر باش بووم، چونکە ئەو شتانەی نەمدەتوانی بە سوتاندنی تەختە نیشانی بدەم بە وێنە نیشانم دەدان. کتێب خوێندنەوەش زۆر کاریگەری هەبووە لەسەرم، کاتێک دێڕێکم لەناو کتێبێک بەلاوە جوان بووە، هەر چۆنێک بووە هەوڵمداوە وێنەی بگرم." ...

زیاتر بخوێنەرەوە

تشرینی یەکەم 26 2020

October 26, 2020

by Redwan Adalat

0 Comments

لە: خەڵکی ڕۆژهەڵات

"هەرگیز حەزم بە کەسانی سست و لاسار نەبووە، و ئەو کەسانەشی کە خاوەنی هیچ بڕیاێکی خۆیان نین و دەستیان بردبێ بۆ هەر کارێک بە نیوە و ناتەواو جێیان هێشتووە، کەسی وا هەیە کە سەیری ڕابردووی دەکەیت بریتییە لە کۆمەڵێک کاری بێ پلان و پچڕ پچڕ. بیرم نایەت کە کارێکم کردبێت و لە نیوەیدا وازم لێهێنابێت و لاوازیم نواندبێت. بەم تەمەنەوە هەتا بەسەر پێوە بم کاردەکەم بۆ ئەوەی ئەو گەنجانەی لەم کافێیەدا کاردەکەن بێ ئیش نەبن، هیوادارم پاش خۆم چرای ئاواتەکانم و ئەو کارانەی بەزەحمەت بناغەیم داناوە بەردەوام بێت. لە کۆتایی ژیاندا کاتێک بیردەکەیتەوە و ڕابردووت دێتەوە بەرچاوت، دەبێت شتێکت کردبێت کە شانازی پێوە بکەیت و بڵێیت من ئەم کارانەم کردووە و بۆ بەدەست هێنانیان تێکۆشاوم." ...

زیاتر بخوێنەرەوە

تشرینی یەکەم 24 2020

October 24, 2020

by Redwan Adalat

0 Comments

لە: خەڵکی ڕۆژهەڵات

"هەمیشە خەونم بەوەوە دەبینی ببم بە پزیشک، دایمە وا خەیاڵم دەکردەوە جلی سپیم لەبەردایەوە و خەریکی کاری پزیشکیم. بەهۆی هەندێک گرفتەوە نەمتوانی لە زانکۆی پزیشکی دەرس بخوێنم، بەڵام توانیم ماستەر بێنم لە مافدا، چونکە ئیش کەمە لە بواری مافدا نەمتوانی لەو بوارەدا کار بکەم. هێشتا ئاواتی پزیشکیم لە دڵدا بوو، تا لە تەمەنی 23 ساڵیدا توانیم لە زانکۆیەک لە تورکیا دەست بە خوێندن بکەم لە بواری پزیشکی ددان. لەوێ سێ خول دەرسم خوێند، بەهۆی بارودۆخی ئابووری و بەرز و نزمی نرخی دۆلار نەمتوانی خوێندنەکەم تەواو بکەم و گەڕامەوە بۆ مەهاباد، کە گەڕامەوە لەگەڵ چەند پزیشکێکی ددان خەریکی ئیشی ددان سازی و جوانکارییەکانی ددان بووم، هەرچەندە کە تا ئێستاش لەو کارەدا سەرکەوتووم، بەڵام پێم خۆشە بۆ خۆم بەتەنیا کلینیکی ددانم هەبێت و بۆخۆم تەنیا کار بکەم." ...

زیاتر بخوێنەرەوە

تشرینی یەکەم 23 2020

October 23, 2020

by Redwan Adalat

0 Comments

لە: خەڵکی ڕۆژهەڵات

"زیاتر لە بیست ساڵە لەسەر ئەم جادەیە بەرووبوومی باخ و بێستانەکەی خۆم دەفرۆشم بەو خەڵکانەی کە بۆ گەشت لەم گوندەوە تێدەپەڕن، ئەم ماوەیە کۆرۆنا هاتووە، ئێرەش قەرەباڵغییەکەی وەک جاران نەماوە، هیوادارم ماوەیەکی تر کە بەرووبوومەکان پێدەگات ئەو قەرەباڵغییەی جارانی بۆ بگەڕێتەوە، کوڕەکەشم کاسبە، ئەو ماسی دەفرۆشێت و دابەشیشی دەکات بەسەر ماسی فرۆشاندا، کوڕەزاکەشم بە درێژایی ڕۆژ لای من دەمێنێتەوە، ئەو ئەوەندەی هۆگری لای منە ئەوەندە لای دایک و باوکی نامێنێتەوە." ...

زیاتر بخوێنەرەوە

تشرینی یەکەم 20 2020

October 20, 2020

by Redwan Adalat

0 Comments

لە: خەڵکی ڕۆژهەڵات

"دوای ئەوەی خوێندنی دیبلۆمم تەواو کرد بووم بە مامۆستا لە مەهاباد، بەڵام دواتر بۆ ماوەی 3 ساڵ زیندانی کرام، لە ماوەی ئەو 3 ساڵەدا زۆر شتی ناخۆش لە ژیانمدا ڕوویدا، برایەکی لە خۆم گەورەترم هەبوو کە ئیلهامی گۆرانی وتنم لەوەوە وەرگرتبوو، بەداخەوە لەو کاتەدا ئەو برایەم لەگەڵ باوکم کۆچی دواییان کرد، کاتێک لە زیندان بەربووم گەڕامەوە سەر ماڵێکی چۆڵ. براکەم دەنگی زۆر خۆش بوو، بەڵام لە بنەماڵەی ئێمەدا کەس گۆرانی نەوتبوو، تەنانەت باوکیشم دەیزانی کە منیش دەنگم خۆشە کە لەگەڵ ڕەفیقەکانم دەچوومە دەرێ هەموو جارێک پێی دەوتم نابێ گۆرانی بڵێم. چونکە بەداخەوە لە وڵاتی ئێمەدا بە هەڵە لەگۆرانی وتن تێگەیشتبوون .دواتر کە ڕادیۆمان کڕی گوێم لە دەنگی مامۆستا تاهیر تۆفیق بوو و ئیلهامم لە دەنگی وەرگرت، لەگەڵ شێعری مامۆستای پایە بەرز محەمەد ساڵح دیلان. بێجگە لە گۆرانییە فۆلکلۆرییەکان کە خوێندومە، زۆربەی گۆرانییەکانی دیکەم لە میلۆدی بادینانی وەرگرتووە و شیعری سۆرانیم لەسەر داناون کە نزیکەی 400 گۆرانی دەبن کە زۆربەیان تۆمار نەکراون. زۆر کەس داوایان لێکردووم کە فێرکاری گۆرانی وتن دانێم، بەڵام من باوەڕم بە فێرکاری نییە." ...

زیاتر بخوێنەرەوە

تشرینی یەکەم 19 2020

October 19, 2020

by Redwan Adalat

0 Comments

لە: خەڵکی ڕۆژهەڵات

"كاتێك مناڵ بووم و دەچووم بۆ مەكتەب، ھەر كات مامۆستاكەم لێی دەپرسیم کە گەورە بووی پێت خۆشە خەریكی چی ئیشێک بیت یان ببیت بە چی، ھەر جارەی وەڵامێكم دەداوە، جارێک دەمگوت مامۆستا، جارێک دكتۆر، جارێک خاوەنی ئارایشتگا، جارێک ئەندازیار. ھەر جارەی ئیشێكم دەگوت، چونکە پێم خۆش بوو ھەموو ئیشێک بزانم و بتوانم ھەموو كارە بم. وردە وردە كە گەورەتر بووم و زیاترم بیر كردەوە، بۆم دەركەوت كە من ناتوانم ھەموو ئیشێک بكەم بەڵام دیسانیش ھەر پێم خۆش بوو بزانم بۆ ھەر ئیشەی چ ھەستێكم دەبێ و چۆن دەتوانم بەو ئاواتەم بگەم، ئەوجار بە ھۆی دیتنی زۆری فیلم ھەستم كرد ئەگەر ببم بە ئەكتەر دەتوانم ھەموو ئەو ھەستانە تاقی كەمەوە، و ھەر ئەوە بوو كە بوومە خولیای ئەكتەر بوون و هەوڵی فێربوونیمدا هەتا دوو ساڵ لەمەوبەر لە مەھاباد دەستم بە كار كرد لە شانۆ و كورتە فیلمەوە، زۆرم پێ خۆشە كە بە ھۆی ئەكتەر بوون دەتوانم تەواوی ھەستەكان تاقی كەمەوە و دەتوانم ھەر جارە ئیشێک بكەم." ...

زیاتر بخوێنەرەوە

تشرینی یەکەم 16 2020

October 16, 2020

by Redwan Adalat

0 Comments

لە: خەڵکی ڕۆژهەڵات

"ڕێکخستنی ڕۆژێکی شاد بۆ ئەو منداڵانەی کە خاون پێداویستی تایبەتن، یەکێ لە خۆشترن بیرەوەرییەکانی منە. ئەو ماوەیە کە وەک وێنەگرێکی خۆنەویست لەگەڵ ڕێخراوی مانگی سووردا کارم دەکرد پێشنیارمدا کە وەها ڕۆژێک بەڕێوەببەین. ڕۆیشتین ڕیزی ناوی ئەو منداڵانەمان لە نەخۆشخانە و "بێهزیستی" وەرگرت و لە گەڵ بنەماڵەکانیان پێوەندیمان گرت و کۆمان کردنەوە و ڕۆژێکی زۆر خۆشمان بۆ سازکردن و بەو بڕە پارە کە پێشتر کۆمان کردبوەوە، دیاریمان بۆ کڕین و پێشکەشمان کردن. هەم منداڵەکان هەم بنەماڵەکان بەم کارە زۆر دڵخۆش بوون و دوعای خێریان بۆ دەکردین. ڕەنگدانەوەی وێنەی ئەم جۆرە چالاکیانە لە بەشی پێوەندییەکانی ڕێخراوەی مانگی سووردا وای کرد کە کەسێکی خێرخوازی خەڵکی تاران بۆ بیناکردن و تەواو کردنی خوێندنگەیەک لە گوندێک، یارمەتی زۆر باش پێشکەش بکات.” ...

زیاتر بخوێنەرەوە

Newer Posts Older Posts